I wol yow telle, as was me taught also,
The foure spirites and the bodies sevene,
By ordre, as ofte I herde my lord hem nevene.
The firste spirit quiksilver called is,
The second orpiment, the thridde, ywis,
Sal armoniak, and the firthe brimstoon.
The bodies sevene eek, lo! hem heer anoon:
Sol gold is, and Luna silver we threpe,
Mars yron, Mercurie quiksilver we clepe,
Saturnus leed, and Jupiter is tin,
And Venus coper, by my fader kin!